غوثِ اَعظم دستگیرِ بے کساں
از: حکیم الامت مفتی احمد یار خان نعیمی
غوثِ اَعظم دستگیرِ بے کساں
غوثِ اَعظم رہنمائے گمرہاں
غوثِ اعظم بیکسوں کے داد رَس
غوثِ اعظم خلق کے فریاد رَس
غوثِ اعظم گلشنِ زَہرا کے پھول
غوثِ اعظم قرۃُ عینِ رسول
غوثِ اعظم ڈُوبتوں کے ناخدا
غوثِ اعظم محیِ دِینِ مصطفٰی
غوثِ اعظم واقفِ اَسرارِ ھُو
غوثِ اعظم سرِ قدرت موبمو
غوثِ اعظم شاہ بازِ لامکاں
جن کی نظروں میں زمین و آسماں
غوثِ اعظم صاحبِ ایوان و تخت
جس نے چوروں کو بنایا قطبِ وقت
غوثِ اعظم متقی ہر آن میں
چھوڑا ماں کا دودھ بھی رمضان میں
غوثِ اعظم کی نگاہِ لطف سے
نکلے بارہ سال کے ڈوبے ہوئے
غوثِ اعظم اَب مدد کی بار ہے
سالکِ خستہ نحیف و زار ہے
ترمیم شدہ شعر
غوثِ اَعظم درمیانِ اَولیا
چوں جنابِ مصطفیٰ دَر اَنبیا